Berî ava kirina malbatê

by **admin** Sun Jun 20, 2010 3:52 pm

Berî ava kirina malbatê

[You must be registered and logged in to see this image.]
evropress

Weke tê zanîn pêk anîna malbatek bextewer pêwîste li pêşiyê amadekariyek zanistî û zemînek xweş jêra hebe, daku di paşerojê de kêşe bo wan û zarokên wan peyda nebin.
Niha li piraniya welatên cîhanê wek sîstem pêwîste keç û kur berî bigehin hev kontirola xwe ya giştî bikin, ew jî kontirola xwînê ye.
Dîsan ji bo vê mijarê jî pêwîste keç û kur di gel hevdu dirast bin û encamî kontirolê çi be pêwîste li hevdu neveşêrin, ji ber ku di paşerojê de ew û zarokên wan dê tuşî kêşeyên tendirustî bin û ew nikarin çareser bikin.
Ji bo kontirolkirina ciwanan sê cûre kontirol hene:
1 -kontirola keç û kuran ji bo dûrkirina nexweşyên zikmakî, ew nexweşyên ji malbatê bo zarokî tên veguhastin.
2 -kontirola keç û kuran ka ew dikarin di paşerojê de zarokan bînin yan na.
3 -kontirolkirina keç û kuran ji bo wan nexweşyên bi rêya leşî yan têkeliyê vediguhêzin.
Hind caran ev kontirolkirine nahê pêkanîn, lê di encamê de zarokên wan tuşî karesatên tendirustî dibin, bişêweyekî zarok jî di eşkencê de ye, dîsa dayik û baban jî çi xweşî nîne, lewma pêwîste destpêka jiyanê rûnî be û rastî di navbera herdu aliyan de hebe.
Ji aliyek dinive di civakên rojihelata navîn de, mêr her tim xwe qebe dibîne û hemû kêmasiyan dide pal jinê, li ser van bîrûbaweran ger mêr yê jixwe bi guman jî be xwe kontirol nakin, lê di heman demê de jin amade ye ser hisaba kesatiya xwe û tendirustiya xwe, her tiştê pêwîst bike da ku zarokan ji bo mêrê xwe bîne, jin fêr bûye ku zarok anîn bitenê erkê wê ye û hemû berpirsiyariya zarokî anînê ya wê ye, ji ber ku ew weha perwerde bûye.
Pir carin mêr dizane ne anîna zarokan ji wî ye, lê dîsa li xwe mukur nahê û dike eger da ku jinek din bîne, lê wê çaxê jinê çi rê heye taku bibe xwedî zarok û dizane kêmasî jimêrê wê ye, erê mêr çi rê ji bo jinê dibîne?
Lê ev ji bo avakirina civakê tiştek neraste, niha cîhan biçûk bûye, zanist pêşda çûye çi tişt nahên veşartin, lewma pêwîste mêrê rojihelatî jî qebûl bike, ku ew jî mîna jinê mirove û ji xwîn û guşt pêk hatiye û kêmasî li ba wî jî hene, bila rastî di navbera jin û mêran de xala bingehî be da ku bikarin malbatek bexterwer ava bikin, dûr ji nakokiyê û veşartina tiştan di navbera wan de, da ku çi kêşe nekarin hêlîna wana aram biherfînin.
Lewma pêwîste ciwanên me bi şêweyekê zanistî jiyana xwe ava bikin, da ku di paşerojê de rastî nexweşiyan nehên û zarokên wan tendirustî bin.