ژ خودێ بترسه‌ توو لكیرێ بی

ژ خودێ بترسه‌ توو لكیرێ بی.

ـ ردوان گولی ـ


یه‌زدانێ مه‌زن و دلوڤان ب ڤی ئاوایی ئاده‌میزاد ئافراندینه‌ ، كؤ دوو هێز د له‌شێ وان دا چێكرینه‌ (( باشی و خرابی )) ئه‌ڤجا مروڤ گه‌له‌ك جاران توشی شاشی و خه‌له‌تیان دبیت و مروڤ خوه‌ ژبیر دكه‌ت كؤ به‌ری هینگێ سوز و په‌یمانداینه‌ خودێ مه‌زن ئێدی شاشی و خه‌له‌تیان نه‌كه‌ن.
خه‌له‌تیه‌كا سه‌ره‌كی لده‌ف من هه‌بوو.. من هه‌رده‌م پێكول . بزاڤ كرن خوه‌ ژێ قورتال بكم.! ده‌ما ئه‌ز ل كوردستانێ به‌ری وه‌رم ئه‌وروپا ئه‌ز هه‌ربوم لده‌ف ماموستایێ هێژا و گران بها (( اسماعیل ره‌ڤه‌ندی )) نێزیكی دوو ده‌مژمێرا ژمنرا ئاخفت و پروگرامێ ژیانێ ل ئه‌وروپا ژمنرا شروڤه‌كر .. و چه‌ند تشته‌ك گوتنه‌ من . مینا په‌یرو بو ژیانا نوی ل ئه‌وروپا.
ئێك ژوان گوتنا پێغه‌مبه‌ری سلاڤێن خودێ لسه‌ربن . ده‌ما دبێژیت ( ژخودێ بترسه‌ توو ل كیرێ بی ). من گه‌له‌ك جاران ئه‌ڤه‌ ژبیر دكر چونكه‌ ژیانێ ئه‌ز ئالوز كرم و ئه‌و نه‌خشێ من دانای وه‌سا بسه‌ر نه‌كه‌ت. ئه‌ز گیرو بوم ب رێڤه‌ و هاتم گرتن ل فروكخانا ئه‌مستردام .
ئه‌ڤجا ده‌ما ئه‌ز ل زیندانا زایست من ئه‌ڤ درویشمه‌ نڤیسی و هه‌لاویست ب پێش چاڤێن خوه‌ ل ژورێ دا كؤ هه‌رده‌م ل بیرا من بیت . من گه‌له‌ك حه‌ز دكر ئه‌ز هیچ جاره‌كێ د ژیانا خوه‌دا شاشی و خه‌له‌تیان نه‌كه‌م. به‌لێ ما چبكه‌م ئه‌ز نه‌فریشته‌مه‌ خودێ مه‌زن گه‌له‌ك دلوڤانه‌. دڤێت مروڤ چجاران بێ هێڤی و ئومێد نه‌بیت ژ ره‌حما خودێ چونكه‌ كه‌س ب كار و كریارێن خوه‌ ناچیته‌ به‌هه‌شتێ ئیلا ب ره‌حما خودێ مه‌زن . یه‌زدانێ مه‌زن مه‌ ل به‌هه‌شتا به‌رین شاد و كامه‌ران بكه‌ت لگه‌ل پێغه‌مبه‌ری سلاڤێن خودێ لسه‌ربن و هه‌ڤالێن وی.